ಗರುಡ ಗಮನ

ಗರುಡ ಗಮನ ಬಂದನೋ ನೋಡಿರೊ ಬೇಗ

ಗರುಡ ಗಮನ ಬಂದನೋ /ಪ/

ಗರುಡ ಗಮನ ಬಂದ ಧರಣಿಯಿಂದೊಪ್ಪುತ (೨)

ಕರೆದು ಬಾರೆನ್ನುತ ವರಗಳ ಬೀರುತ (೨) /ಗರುಡ/ /ಅ ಪ/

ಎನ್ನ ರಕ್ಷಿಪ ದೊರೆ ಇಲ್ಲಿಗೆ ತಾ ಬಂದ (೨)

ಚಿನ್ನವ ಪೋಲುವ ವಿಹಂಗಜ ರಥದಲ್ಲಿ (೨)

ಘನ್ನಮಹಿಮ ಬಂದ ಬಿನ್ನ ಮೂರುತಿ ಬಂದ (೨)

ಸಣ್ಣ ಕೃಷ್ಣ ಬಂದ ಬೆಣ್ಣೆ ಕಳ್ಳ ಬಂದ (೨) /ಗರುಡ/

ಪಕ್ಷಿವಾಹನ ಬಂದ ಲಕ್ಷ್ಮೀಪತಿಯು ಬಂದ (೨)

ಕುಕ್ಷಿಯೊಳಗೆ ಜಗವನಿತ್ತವಾ ತಾ ಬಂದ (೨)

ಸೂಕ್ಷ್ಮ ಸ್ಥೂಲದೊಳು ಇಪ್ಪಾನು ತಾ ಬಂದ (೨)

ಸಾಕ್ಷಿಭೂತ ಅವ ಸರ್ವೇಶ್ವರ ಬಂದ (೨) /ಗರುಡ/

ತಂದೆ ಪುರಂದರ ವಿಠಲರಾಯ ಬಂದ (೨)

ಬಂದು ನಿಂತು ನಲಿದಾಡಿದನೂ (೨)

ಸಿಂಧುಶಯನ ಬಂದ ಅಂದು ಸಂದೀಪನ (೨)

ನಂದನ ತಂದಿತ್ತ ಆನಂದ ಮೂರುತಿ ಬಂದ (೨) /ಪ ಅಪ/ /ಪ/