shrI nArAyaNapaNDitAchArya virachita kRuShNamAlA

asya shrIkRuShNamAlAstOtrasya shrI nArAyaNa paNDitAchArya RuShiH| shachyabhimanyamAnatriShTup ChandaH|madhvArchitaH shrIrukmiNIsatyabhApatiH rUpyapIThapatiH shrI kRuShNaparamAtmA dEvatA|

shrI kRuShNanirmalabhktiprasAdasiddhyartha kRuShNamAlApaThanAkhyaM karma kariShye|

kRuShNAya vAsudEvAya dEvakInandanAya cha|

nandagOpakumArAya gOviMdAya namO namaH||

vrindArakairvandita AvirAsIdbhOjEndraputryAM bhagavAn mukundaH|

sa vAsudevO vasudEvanItO vrajaM tadA&nIyata tEna durgA||

kaMse yashOdAsutayA viShaNNE bhUmnA hatAyAmapi pUtanAyAm|

datvA karaM nandati tatra nande chikShepa dEvaH shakaTAkShadaityam||

sa rauhiNeyEna nijAgrajEna shESheNa pUrvaM shishuvad virEjE|

mAtrE svavaktre prakaTIchakAra vishvaM tRUNAvartamapi nyagRuhNAt||

gargastutO mRudbhugashEShadarshI mAtrA nibaddhO&rjunabha~jjanO&Lam|

vRukaistu vridAvanagaH sarAmaH sa vatsapALO bhuvanOtsavO&bhUt||

vatsAsurArirbakabhit sugOpO gOgOpalakShmIkaTukALiyadhrRuk|

pItvA davaM chOgrasurAryagAriH saptOkShadaityachChidavApa jAyAm||

(hatvA kharaM daityamatha praLambM baLEna pItvA cha punardavAgnim|)

viprAbhirAptO giriguptagOpO gOvinda indrArchita EkShi gOpaiH||

kAtyAyinIbhaktimatIshcha kanYA uvAha reme&khiLagOpikAbhiH|

agAchcha tAbhyO dshalakShaputrAn sa sha~gkhachUDArirariShTamAsyat||

nandAvitA&hervarUNasya pAshAd vaikuNThadarshI pashujIvanEbhyaH|

kEshyarvahA vyOmasurArihArI kaMsAghamakrUragirA&shRuNOt saH||

sAkrUrarAmO madhurAM sa gachChannakrRuraddRuShTo yamunAjalE cha|

avaikShi paurairdhRutadhautavAsA alaktakAktO&malamAlabhArI||

satsundarashchandanacharchitA~ggaH chApaM cha chittaM cha chakarSha kAMsam|

sahastinaM hastipatiM cha hatvA chANUrahA muShTikavairiNA&bhAt||

baLO&tha kaMsAvarajAn jaghAna baLAnujaH kaMsabaLaM cha kaMsam|

prasAdya mAtApitarau nRupaM cha chakrE vishOkasya pitA sarAmaH||

dvijatvamAptO&tha vimuchya nandaM sutaM mRutM prAg guravE dadau saH|

jarAsutaM dvArarudhaM sarAmO jigAya chAShTAdashayutsu chEshaH||

pArthAnathAkrUramayApayat sa bhImAdyavAptO vrajamuddhavaM cha|

gOmantagO rAmayutaH kirITI jarAsutaM prAsya srRugAlahA&bhUt||

durmantrabhUpairyatO&bhiShiktaH kRuShNO vidarbhE&kRuta vishvarUpam|

kRutvA purIM yAvanamIritaM taiH sa ghAtayitvAshu nRupAnajaiShIt||

sa rEvatIkAntayutO jitAriH bhaiShmImavApyAkRuta shambarArim|

syamantakaM jAmbavatIM cha labdhvA satyAM cha lEbhE&janayachcha sAmbam||

vichakrahA bhUtanudastarakShAH balEna sAlvArdanasAtyakEna|

yutaH sa haMsaM DibhakaM cha hatvA gadAgrajO&bhAd dayitatrishuklaH||

pArthashriye hArdikamuk kurUMshcha gatvA&ptabhAryAn dviravApa pArthAn|

athAbhiShichyEndrapurE nidhAya pArthAn sa satyAjanakaghnamAsyat||

pradarshya ratnaM halinE&rkaputrImuvAha nIlAmapi sa dvirUpAm|

sa mitravindAmatha kaikayIM cha bhadrAM tu mAdrImapi lakShaNAkhyAm||

taM nAradO&thAkhilarAjamadhyE prOchE tvamAshcharyatamO&si dhanyaH|

kuntyArthitaH pArthakurUnajaiShIditthaM murAdIn narakaM cha sO&han||

satyArthamIshO hatapArijAtO dEvaughajid dvyaShTasahastrabhAryaH|

pratyEkamEtAsu dashApa putrAn sutau vijiShNU api sO&bhyanandat||

sa nAradAvEkShitavishvarUpaH purE subhadrAM vijayAya chAdAt|

dadau sarAmO bahu ratnamasmai dadAha pArthEna cha khANDavaM saH||

samantapUrvaM khalu pa~jchakaM cha gatO vyadhattAhnikamashvamEdham|

(puraM vrajan mArgarudhaM nirAsa sa dantavakraM cha viDUrathaM cha|)

saMshikShya jiShNuM sa jarAsutAriM bhImaM samAshrliShya jaghAna chaidyam||

nihatya soubhEshamavEkShya pArthAn vanE shivAchI khalamOhanAya|

sa pauNDrakaM nirjitavAn jaghAna tathaikalavyaM cha sudakShiNaM cha||

bhaiShmyAM vyadhAt premakalErviDambaM rAmaM vrajaM yAntamathAtmavAkyAt|

maindaM cha hatvA vividaghramAjau kRuShNO&bhyanandat kurUbhIShaNaM cha||

agnayAdijid bANajayI prabhAse sa prApa pArthAn kururASh TragAMshcha|

vivAhya saubhadramudAramantrO vrataH svapurYAM vijayEna sautyE|

sumantrakRut pANDavasautyakArI sa vishvarUpO&rjunashikShakO&bhAt||

svAnandanaM mandamanO~jahAsaM shRu~ggAriNaM shAr~ggiNamIkShanAbhyAm|

muShNantamAyUMShi tamIkShamANA yaudhAgatiM yOgajitAmavApuH||

bhIShmaprati~jAmapIpalat sa bhIShmOktabhUmA hRutavaiShNavAstraH|

svaprE&rjunAnugrahakRut subhadrAshOkachChidIshaH svanayan svasha~gkham||

shainEyapO vAsavinA jaghAna jayadrathaM nItinivAritAstraH|

drauNIShubaddhArjunavIryakArI rAjEndrasUnvO sa virOdhamAsyat||

apAt sa pArtha rathamAnamayya bhImaM cha tuShTAva nininda duShTam|

drauNiM cha shaptvA&&mbikadOShadarshI kRuShNAM prasAdyAbhiShiShEcha dharmam||

svayaM cha bhIShmENa cha shikShayitvA bhUpaM sa bhImEna kaliM nibadhya|

jiShNOrguruH kArUNikO&pyuda~gkE gatvA purIM svEbhya uvAcha vRuttam||

vrajannuda~gkeShTakRudESha pArthAn parIkShitE jEvanadO&~ggavAdI|

ayAjayad dharmajamashvamEdhairUchE cha dharmAnayajat svayaM cha||

surArchitaH shikShaka uddhavasya svaM brahmashApachChalataH kulaM cha|

saMhRutya kRuShNO nijachitta padmE dEdIpyatE dEva uta svalOkE||

uddhRutya shAstrAmbunidhErnibaddhAmabhIShTadAtrImiva ratnamAlAm|

nArAyaNasyArpayatE padAbjE nArAyaNaH shrImati kRuShNamAlAm||

kRuShNAya vAsudEvAya dEvakInandanAya cha|

nandagOpakumArAya gOvindAya namO namaH||

iti shrInArAyaNapaNDitAchAryavirachitA shrIkRuShNamAlA|

kRuShNArpaNamastu