ದೇವರನಾಮ: ಒಂಬತ್ತು ಬಾಗಿಲೊಳು

ಶ್ರೀ ಪುರಂದರ ದಾಸರು

ರಾಗ: ಮಾಯಮಾಳವಗೌಳ   

ಟಾಳ: ಆದಿ

 

ಒಂಬತ್ತು ಬಾಗಿಲೊಳು ಒಂದೇ ದೀವಿಗೆ ಹಚ್ಚಿ |

ನಂಬಿಕಿಲ್ಲದ ಸಂಸಾರಮಾಡಿದೆನೆ ಸೂವಿಯ ಬೀಬಿ        ||ಪ||

 

ತನುವೆಂಬ ಕಲ್ಲಿನೊಳು ಮನೆವೆಂಬೊ ಧಾನ್ಯವ ತುಂಬಿ |

ವನವನದು ನವಬೇಳೆ ಬೀಸಿದೆನೆ                ||೧||

 

ಅಷ್ಟ ಕರ್ತೃ ಗಳೆಂಬೊ ಅಷ್ಟನವಧಾನ್ಯವ ತಂದು |

ಕುಟ್ಟಿ ಕುಟ್ಟಿ ಕಜ್ಜಾಯ ಕರಿದೆನೆ                ||೨||

 

ಅಷ್ಟಕರ್ತೃ ಗಳೆಂಬೊ ಕಾಲವನ್ನುಳಿಸಿ (ಕಾಷ್ಟವನ್ನುರಿಸಿ) ನಾನು |

ನಿಷ್ಟೆಯಿಂದಲಿ ಅನ್ನವ ಬಾಗಿದೆನೆ                    ||೩||

 

ಅಷ್ಟರೊಳಗೆನ್ನ ಗಂಡ ಬಂದು ಅಡುವ ಮಡಿಕೆಯ ಒಡೆದು |

ಮುಟ್ಟಿ ಮುರಿದು ಮೂಲೆಗೆ ಹಾಕಿದನೆ                    ||೪||

 

ಉಡುವ ಸೀರೆಯ ಸೆಳೆದು ಗಿಡದ ತೊಪ್ಪಲ ಸುತ್ತಿ |

ತಿರುಗಿ ಬಾರದ್ಹಾಂಗೆ ಮಾಡಿದನೆ                    ||೫||

 

ಮಾಡಿದೆ ಒಗತನವ ನಂಬಿಕಿಲ್ಲದ ಸಂಸಾರವ ನೆಚ್ಚಿ |

ಕೂಡಿದ ಪುರಂದರ ವಿಠಲನ್ನ ದಾಸರ                ||೬||